Додека снимала филм во Канада, во станот оставила мајстори да го реновираат истиот, а кога се вратила затекнала празни кутии за скапоцен накит.

Провалниците од станот на познатата актерка однеле накит вреден околу 127.000 долари, вклучувајќи и Cartier гривна од платинум и дијаманти вредни 33.000 долари.

Од станот на Џулиен Мур во Менхетен во периодот од 6 јуни до 28 август крадците однеле 10 парчиња накит, а полицијата интензивно работи на откривање на сторителот и евентуално враќање на украдениот накит.

За време на кражбата актерката била во Канада на снимање на римејкот на филмот Carrie, а во станот имала мајстори, па полицијата се сомнева дека некој од нив или учествувал во кражбата или не воделе доволно сметка за луѓето кои биле дел од екипата за градење.

За сега, никој не е уапсен.