Десетина грчки родители ги однеле децата да ги предадат на службата за данок затоа што се укинати даночните олеснувања.

Лутите родители ги повеле денеска своите деца да ги предадат на збунетите службеници за данок во знак на протест поради укинувањето на даночните олеснувања на семејствата со повеќе деца, што е дел од мерката за штедење на која инсистираат странските кредитори.

„Еве, вие гледајте ги“, му рекол Николаос Смолоктос, водич на групата родители со три или повеќе деца, на началникот за данок.

Родителите во едната рака носеле плакати на кои пишувало „Запрете го убивањето на нашите семејства“, а со другата туркале количка, додека оделе право кон вратата на началникот на управат за данок.

Грчката влада мора да ги намали буџетските расходи за 12 милијарди евра во наредната и 2014 година, за да може да си обезбеди уште помош од Европската унија и Меѓународниот монетарен фонд.

Коалицијата е под се поголем притисок на Грците, кои почнале низа протести и штрајкови против најновите рунди за намалување на трошоците. „Навикнавме да се жртвуваме, но ова е премногу“, рече Смолоктос - татко на четири деца.

„Се надеваме дека тие ќе го променат мислењето и дека ќе гласаат против овие ужасни мерки“, рече тој по завршувањето на протестот.