Компанијата „Икеа“ се нашла на удар на критичарите поради бришење на сликите од жени од саудиската верзија на својот каталог за мебел, по што и самата компанија изразила жалење поради таа постапка.

Споредувајќи ја шведската и саудиската верзија на каталогот на компанијата „Икеа“, шветскиот весник „Метро“ денеска објавил дека во каталогот за саудискиот пазар се отстранети жените од инаку идентичните слики на кои се прикажува куќниот мебел на оваа компанија.

Весникот во Шведска предизвика сомнеж во определеноста на компанијата „Икеа“ за почитувањето на родовата рамноправност.

Шведската министерка за трговија Ева Бјорлинг не ја критикувала директно „Икеа“, но за весникот „Метро“ кажала - „не можете да ги избришете жените од општеството“.

„Икеа“, која со повеќе од 300 продавници е присутна во 40 земји, во соопштение изрази жалење: „Ние реагиравме и увидовме дека исклучувањето на жените од саудиската верзија на каталогот се коси со вредностите на групацијата ‘Икеа’“.