Една 28 годишна Германка е уапсена под сомнеж дека ги убила своите бебиња недолго по нивното раѓање, соопшти денеска полицијата.

Таа е обвинета во среда за петократно убиство, кое ги вклучува и нејзините три новородени бебиња.

Случајот со години бил под истрага, откако тело на бебе во 2006 година е пронајдено недалеку од градот Фленсбург. Другите мртви бебиња се пронајдени во 2007 година на паркинг недалеку од регионалниот автопат.

Полицијата наведува дека жената ги признала убиствата кога и земале примерок од ДНК. На полицијата и кажала дека сите деца биле родени живи.

Другите детали уште не се познати, а полциијата подоцна денеска ќе одржи конференција за новинари. Идентитетот на уапсената не е соопштен во склад со германскиот закон за заштита на приватноста.

Во Германија во последните години се забележани неколку случаи при кои жени ги убивале своите деца.

Во најлошиот од тие случаи, една жена е обвинета во 2006 на 15 години затвор откако убила осум од своите штотуку родени бебиња.