Ѕвездата на „Тор“, Џејми Александер се здобила со тешки повреди на снимањето на филмот во Лондон...

„Денеска сериозно се повредив. Имав среќа што не останав парализирана. Фала им на сите што се грижеа за мене“, напиша Александер на својот Твитер профил.

По неколку минути напишала уште еден твит: „Се е како што треба, лековите ми помагаат побргу да се опоравам, а овие болничари тука се супер!“

Снимањето на „Тор 2“ почна овој месец со Крис Хемсворт, Том Хиделстон и Ентони Хопкинс, а Александер повторно ќе ја толкува улогата на божицата во продолжението на филмот на Кенет Бранаг.

Премиерата е закажана за ноември следната година.