Французинот Лои Шешер добил отштета од 800.000 евра затоа што по грешка бил осуден на повеќе од седум години затвор за силување на 14 годишно девојче...

Шешер (51) е седмата личност погрешно осудена во Франција од 1945 година, пренесува еден француски медиум наведувајќи дека Шешер побарал отштета до 2,4 милиони евра.

Тој поминал седум години и три месеци во затвор откако едно 14 годишно девојче го обвинило за силување.

Шешер во 2003 година е обвинет на 16 години затвор.

Наводната жртва ги повлекла обвинувањата во 2008 година и Шешер две години подоцна е ослободен од обвиненијата и пуштен е од затвор.

Неговиот адвокат изјавил дека Шешер трпел насилство во затворо и се обидел да се убие.

Исто така, судот наложил на мајката на Шешер да и се исплати износ од 50.000 евра отштета како и по 30.000 евра на секој од неговите тројца браќа и сестри.

Шешер, кој со години тврдел дека е невин, рекол дека се чувствува „уништено“ и „упропасено“ поради времето поминато во затвор.