Католички свештеник починал од срцев удар додека извршувал церемонија на венчавање во германската држава Баварија.

Според германските весници, свештеникот со потекло од Полска, стар 47 години, умрел во сабота на самиот почеток на церемонијата на венчавање на една Германка и нејзиниот вереник Италијанец, а веста за неговата смрт ја потврди и Минхенската надбискупија.

Свештеникот бил на чело на италијанската заедница во Розенхајм, затоа што со години живеел и работел во Рим.

Како што наведуваат германските весници, бидејќи свештеникот умрел, прекинатата венчавка е извршена во една друга црква која се наоѓала во близина.