Несекојдневен настан се случил овие денови на аеродромот во Мелбурн...

Работник задолжен за багаж на смрт се преплашил кога го отворил товарниот простор на патничкиот авион на фирмата Qantas. На негово големо изненадување, внатре здогледал крокодил кој слободно се шетал наоколу.

Рептилот, за кого е наведено дека бил релативно мал примерок, успеал да побегне од својот кафез за време на летот на релација Брисбејн - Мелбурн, но животното „брзо и сигурно е ставено под контрола“.

Моментално во тек е истрага со која се обидува да се утврди дали крокодилот бил во одговарачки кафез и дали е прописно качен на авионот.

Но, овој крокодил не е единствен рептил откриен на авионски простор. Имено, во Индија во 2011 година е забележан случај во кој авионот морал да се приземји, затоа што некој, баш како на филм, на авионот качил купишта змии.