Снимањето на филмот 'Lone Ranger' во кој Џони Деп ја толкува главната улога било прекинато поради трагедијата во која животот го загубил член од екипата...

Член од екипата чиј што идентитет сеуште им е непознат на медиумите вчера починал од застој на срцето на сетот во Лос Анџелес. Имено, го подготвувал резервоарот со вода за снимањето кога му застанало срцето, па паднал во водата. Лицата од брзата помош интервенирале брзо, го пренеле до блиската болница со хеликоптер, меѓутоа не успеале да го вратат во живот, туку само ја потврдиле смртта.

"Со жалење потврдуваме дека член од екипата на филмот 'Lone Ranger' почина откако е однесен во болницата. И пружаме целосна подрашка на истрагата која ќе ги утврди околностите на овој страшен случај", изјавиле дистрибутерите на филмот во официјалната изјава за медиумите.