Бугарскиот торент тракер, влезе во извештајот на Конгресот на САД, како еден од најголемите прекршувачи на законот за авторски права, пренесуваат бугарските медиуми...

Станува збор за сајтот Zamunda, кој се наоѓа до утврдените "пирати" - украинскиот Demonoid и рускиот Vkontakte - единствениот во "црната листа" на САД.

Според документот, Русија, Украина и Кина се земјите кои обезбедуваат најповолна средина за прекршителите на авторските права.

Препораката на американската влада е да се посвети посебно внимание на проблемите во оваа област, кои доаѓаат од споменатите држави, како и од Швајцарија и Италија.

"Непочитувањето на правата на интелектуална сопственост во овие земји предизвикува голема штета на американските автори, како и на нашата економија во целина", се вели во извештајот на Конгресот.

Додека Швајцарија и Италија влегуваат првпат во документот, Русија, Украина и Кина се потврдени како најголем пиратски земји уште од минатата година.

Канада и Шпанија, кои претходно биле присутни во негативната листа, веќе се исклучени, бидејќи ситуацијата со почитувањето на авторските права таму значително е подобрена.