Белгискиот премиер Елио Ди Рупо (61) во среда официјално стана донор на органи користејќи ја функцијата на друштвената мрежа Фејсбук која од неодамна е достапна и во Белгија, а на тој начин ја покрена и свеста за овој проект и се вклучи во официјалната кампања...
"Ја потврдив подготвеноста на Фејсбук да донирам органи во случај на смрт. А вие?" рекол премиерот.
Функцијата "донор на органи" беше покрената во САД и Велика Британија, а во вторникот стана достапна и за белгиските и канадски корисници. Идниот донор својата одлука ја потврдува со пријава на Фејсбук и во локалната управа.
Марк Цукерберг рекол дека до таква замисла дошол при разговор со својата девојка и Стив Џобс, соосновачот на Ејпл кој почина лани, а на кого во 2009 годинa му беше извршена трансплатација на црн дроб.
