Долгогодишниот менаџер на 50 Цент, Паф Деди, а исто така и на Мараja Кери, Крис Лаjти, бил пронајден мртов во неговиот дом во Њујорк...
Телото му било откриено во четвртокот изутрина (30-ти август) и според полициските извори, најверојатно станува збор за самоубиство.
Лајти се застрелал во главата по спорот со поранешната сопруга, со која се разведе минатата година. Пиштол е пронајден во непосредна близина на телото на 44-годишниот маж, посочува весникот New York Daily News.
Лајти се здоби со име во музичката индустрија во 1988 година, кога се соедини со рап иконата Расел Сименс во неговата компанија Rush.
Потоа тој направи сопствена фирма, Violator ManagementBrand Asset Group, каде што на листата на клиенти беа хип-хоп ѕвезди како Busta Rhymes, Missy Elliott, LL Cool J, Q-Tip, Nas, Ja Rule и Mya, посочува FemaleFirst.co. uk.
Веднаш по објавувањето на веста за смртта на Лајти, многу негови колеги и пријатели му оддадоа почит. Сименс направи трогателна изјава: "Длабоко сум потресен од загубата на овој хип-хоп херој. Крис Лајти е мој драг пријател уште од детските години. Тој беше брилијантен партнер во бизнисот и бев толку горд на се што постигна. Тој е неверојатен пример за тоа како едно бунтовно дете од улица може да се претвори во најголем интелигентен и предвидлив менаџер. Сите кои го познаваа, го сакаа, воедно и јас лично."
"Шокиран сум", напишал Паф Деди на Tвитер, раперот Лудакрис се сеќава на Лајти како човек, полн со енергија, а Ријана напишала: "Почивај во мир, Крис Лајти, молитвите ми се кон семејството и твоите блиски."
