Кајлаш Синг од Индија се нема избањато веќе 38 години, но вели дека е посреќен од многу луѓе кои се бањаат секој ден...

Синг сега има 66 години и не се капел ниту се шишал од 1974 година, односно откако се оженил.

Тогаш, некој локален свештеник му рекол дека ќе добие син ако не се бања и шиша, па Индиецот станал најсмрдливиот човек во светот.

Неговото семејство не се согласува со оваа одлука и постојано го наговараат да се избања, ама тој успешно одбегнува. Сопругата раскажала како еднаш се обиделе да го турнат во поток, ама без успех. Синг има деца, и тоа седум ќерки и ниту еден син. Но, тој не се откажува од идејата да добие син не бањајќи се.

„Вели дека побрзо би умрел отколку да се избања, а единствено син би го натерал да ја смени одлуката. Поминаа толку години, па се навикнав", вели неговата сопруга Калавати Деви.

Деновите му поминуваат во грижа за кравите на температура која достигнува и 47 степени Целзиусови, а Кајлаш само понекогаш ги мие рацете и устата.