Актерот Силвестер Сталоне минува низ најтешкиот животен период...

Минатиот петок тој го загуби својот син Сејџ, тој беше пронајден мртов во неговиот дом. Сејџ имаше 36 години, а неговата смрт ги изненади пријателите и членовите на семејството. Постои сомневање дека починал како резултат на предозирање, но дури за неколку недели ќе бидат познати резултатите од токсиколошките тестирања.

Синот на Силвестер Сталоне беше погребан по миса во католичката црква во Брентвуд, Лос Анџелес. 66-годишниот Силвестер потполно скршен, се криел зад темните очила и постојано се држел блиску до своето семејство. На погребот биле поранешната жена на актерот и мајка на Сејџ, Саша Чак, сегашната жена Џенифер Флавин, како и помладиот брат Френк.

“Не постои поголема болка од тоа родителот да го загуби своето дете. Таа болна загуба ќе ја чувствуваме до крајот на животот. Сејџ беше нашето прво дете и центар на нашата вселена”, стои во службеното соопштение.