Еди Филити, роднина на Силвестер Сталоне, го обвини славниот актер на својот Фејсбук профил за прераната смрт на Сејџ Сталоне...

Покрај тоа што напишал дека Сталоне го занемарувал својот син, Еди, кој инаку е син на полусестрата на Сталоне - Ана, посебно „се пресметал“ со сегашната сопруга на актерот Џенифер Флавин за која тврди дека го оддалечила Сталоне од остатокот од семејството.

Еди открил дека Сејџ посебно го погодило тоа што татко му не му се јавил на телефон за да му го честита роденденот на 6 јули и дека за тоа била виновна Џенифер која откако се омажила со Сталоне направила сè да го оттргне од семејството.

Еди брзо ги отстранил сите коментари на сметка на неговиот вујко и неговата жена, а пред медиумите изјавил дека ги напишал во афект и дека се кае за тоа.

„Го направив тоа под наплив на емоции. Јас имам некои свои проблеми со вујко ми, но не сакав да го навредам на тој начин и се каам поради тоа“, рекол Еди во врска со смртта на синот на Силвестер, Сејџ Сталоне кој почина минатиот петок.