Глумецот и режисер Сејџ Сталоне, 36-годишен син на филмската ѕвезда Силвестер Сталоне, е пронајден мртов во петокот во својот дом во Холивуд, објавила полицијата и неговиот адвокат...

Полицијата известила дека младиот Сталоне го пронашле полицајци кои отишле да проверат што се случува со него затоа што добиле дојава дека со денови не се јавува, додека неговиот адвокат рекол дека во станот го пронашла домаќинката. The New York Post пишува дека Сталоне најверојатно се предозирал со таблети и дека не е јасно дали станува збор за самоубиство или несреќен случај.

Претставникот на Силвестер Сталоне изјавил дека 66-годишниот глумец е запрепастен и многу погоден од ненадејното губење на синот. Сејџ Сталоне е постариот од двајцата синови од првиот брак на глумецот. "Тоа е трагедија. беше млад, многу талентиран, добар режисер и прекрасна личност", изјавил адвокатот на Сejџ.