Само три недели пред почетокот на Летните олимписки игри, денес во Лондон беше отворен највисокиот облакодер во Европа, “The Shard”, висок 310 метри...

На големата свеченост, со светлосен спектакл и концерт на Лондонската филхармонија, присуствувале премиерот на Катар - Хамад бин Јасин ал Тани, чија земја ја финансираше градбата, заедно со принцот Ендрју, еден од синовите на кралицата Елизабета.

Дванаесет години по започнувањето на проектот, дело на италијанскиот архитект Рензо Пиано, завршен е надворешниот дел на облакодерот, додека работите во внатрешноста ќе потраат до 2013 година.

“The Shard” со своите 95 ката и 310 метри висина е најголемиот небодер во Европа, но далеку е понизок од највисокиот небодер на светот, Бурџ Калифа во Дубаи, кој е висок 828 метри.

Овој облакодер се очекува да стане симбол на Лондон.