Mедиумите во Русија објавија дека усниот испит кај една професорка на универзитетот во Казан траел цели 23 часа...

Професорката за време на испитот не им дозволила на студентите ниту да одат во тоалет.

“На крајот од испитот сите седевме целосно исцрпени. Професорката често одеше во другата просторија и пиеше, а потоа се враќаше и продолжуваше со испитот”, изјавил еден од студентите.

Испитот почнал во десет часот утрината, а не бил завршен до девет часот следниот ден.

Поголем број студенти изјавиле дека професорката по физика „труела“ на алкохол. Меѓутоа, шефот на одделот за физика, Алберт Аганов, ги демантирал нивните тврдења. Исто така, тој навел дека „долгите“ испити не се невообичаена појава.

“Ако видев дека е пијана, веднаш ќе ја отпуштев”, рекол Аганов, а пренесуваат руските медиуми.