Француски истражувачи од Националниот институт за потрошувачка откриле дека популарните пијалаци Кока-кола и Пепси содржат траги на алкохол...

Тестирањето покажало дека повеќе од половина од производите на компанијата “Кока-Кола”, вклучително и истоимениот бренд, содржат алкохол.

Секое пакување на пијалакот содржи 10 милиграми алкохол по литар, што е 0,001 отсто алкохол.

Директорот за наука во француската “Кока-Кола”, Мишел Пепин, изјавил дека е можно во пијалaците да има минимално количество на алкохол, коe таму се нашло за време на процесот на производство.

Притоа Пепин нагласил дека овие пијалаци во суштина се безалкохолни и како такви се признати од властите на сите држави во кои се продаваат.

Сличен став имал и портпаролот на компанијата “Пепси”, и тој рекол дека е можно во пијалаците на оваа компанија да има траги на алкохол, поради состојките кои се користат во производството.

Конкурентите се сложиле со едно - дека постои можност овошјето кое се користи при производството на пијалаците да ферментира.