Успехот кој го оствари 13-годишниот Лендон Лајт е вистинско чудо...

Во 2008 година било откриено дека Лендон има трансверзален мијелитис, ретко заболување поради кое преку ноќ останал парализиран од градите надолу, но тоа не го спречило да го оствари својот сон и да стане пливач.

На Лендон, кој живее во Хит, Тексас му рекле дека најверојатно повеќе никогаш нема да може да оди, но за него натпреварувањата со многу поискусни пливачи не претставуваат никаков проблем. Помош му е потребна само за да се качи на платформата од која скока во базенот, имајќи предвид дека користењето на нозете му е ограничено. 

“На првиот натпревар заплакав. Мислам дека сите на трибините беа трогнати”, вели неговиот тренер Ники Рип.

Лендон вели дека цел живот „плива спротивно од струите“ и оти се навикнал да се бори за се во животот.

“Ништо не треба да се зема здраво за готово, бидејќи работите секогаш може да се променат”, вели Лендон.

Благодарение на комбинацијата на терапии, рехабилитации и цврстата одлучност, Лендон со текот на времето напредувал од болничкиот кревет, преку количка и штаки до олимпискиот базен.

“Многу работи ќе ви станат јасни кога ќе сфатите дека не може секогаш се да биде совршено и дека ви треба помош од Бога за да минете низ сето тоа”, заклучил Лендон.