И мажите да уринираат седејќи за почисти тоалети - е предлогот на шведската Левичарска партија. Предлогот се однесувал на Советот во покраината Сормланд, но може да се прошири и на другите јавни установи...

Локалните власти во покраината, каде што персоналот во детските градинки веќе ги поттикнува момченцата да седат на ВЦ шолјата додека мократ, очигледно сериозно ја сфати оваа работа.

Овој предлог се оправдува со тоа што седењето на клозетската шолја не само што е почисто и похигиенски, туку и ги намалува проблемите со простатата. Покрај тоа, се додава и дека уринирањето со седење „придонесува за подолг сексуален живот“.

Меѓутоа, многумина не се согласуваат со овој предлог, така политичките противници сметаат дека тешко ќе може да се надгледува спроведувањето на таквиот пропис. 

Предлогот пред регионалниот совет на Сормланд е поднесен уште на 12-ти април, а советот има рок од една година да го проучи.