Што мислите кој?

Британската кралица Елизабета II добила преку 130.000 пораки со честитки и убави желби за време на одбележувањето на дијамантскиот јубилеј – 60 години на тронот на Обединетото Кралство.

По големата прослава која се одржа минатиот викенд ширум Лондон и остатокот од земјата, на адресата на Бакингемската палата стигнале дури 45 вреќи со пошта, односно честитки кои биле упатени на кралицата.

Меѓутоа, оваа бројка не е конечна бидејќи како што велат од палатата честитки почнале да пристигнуваат минатата година, па се очекува голем број да пристигнат и во текот на летото.

На официјалниот сајт посветен на дијамантскиот јубилеј биле упатени 72.000 пораки.