Професор од универзитетот во Џорџија, САД - Макс Рајнхарт (65) е уапсен во Атланта, бидејќи на полицаец во цивилка му нудел сексуални услуги за пари во изнајмена хотелска соба, по што бил обвинет за проституција и за држење на јавна куќа...

Професорот бил облечен како жена и бил нашминкан, на главата носел црна перика, а за половина час од својот „работен ангажман“ барал скромни 60 долари, додека неговата редовна професорска плата изнесува 87.225 долари годишно.

Полицијата до Рајнхарт дошла преку одделот за услуги на транссексуалци на сајтот “backpage.com”, каде професорот се претставувал како Саша. Дел од сајтот е наменет за возрасни и нуди „деловна придружба“ и „интимно дружење“, а на удар на полициска истрага се нашол поради сомневањата дека учествува во шверц на малолетни девојки заради занимавање со проституција.

Служејќи се со податоци од сајтот, полицаец во цивилка договорил состанок со Саша во хотелска соба, откако се договориле за цената Рајнхарт бил уапсен, но во меѓувреме бил пуштен со кауција од 4.800 долари.

Рајхнарт на универзитетот предава германска историја и книжевност, а основач е и на Конфернциска група за интердисциплинарно проучување на раниот период на модерна Германија.