Zhou и неговата сопруга патувале со траект по реката Jangce кога едноставно му „пукнал“ филмот. Останатите луѓе кои биле на траектот виделе како маж истрчал од својата кабина со ушите покриени со рацете, извикувајќи: „Јас тоа едноставно неможам повеќе да го издржам“. Луѓето помислиле дека се работи за повреда на ушите и му притрчале на помош, но сфатиле дека не се работи за повреда.



„Додека разговаравме со него, од кабината истрча неговата сопруга и почна да му вика. Тој повторно ги покри ушите и рече дека му треба одмор. Потоа почна да трча и се фрли во реката, прескокнувајќи ја оградата. Веднаш зедовме фенери и тргнаве да го бараме, но ништо не видовме. Веројатноста да се преживее во водите на реката Jangce е еднаква на нула“ - изјавил еден од луѓето.



Подоцна, во истата ноќ, полицијата сепак го пронашла Zhou кој успеал да преплива на другата страна на реката која е широка речиси 2 километри. „Ми се чинеше дека ќе умрам, но и тоа е подобро отколку и понатаму да ги слушам нејзините приговори“ - стоело во изјавата на Zhou за полицијата. Сепак, наредното утро се смирил со сопругата која пред полицијата ветила дека ќе се потруди да се одвикне од навиката на константно приговарање.