Се проценува дека 1.000.000 камили шетат низ пустините во Централна Австралија, а некои кажале дека тој број ќе се дуплира  во следните девет години, доколку ништо не се превземе.



Проектот од Владата добил 19 милиони австралиски долари за да бидат убиени 650.000 камили со пукање од хеликоптер. „Некои млади ќе останат без мајки, затоа што ќе се пука во камилите кои чекаат млади. Тоа е многу сурово. Толку големи животни можат со денови да трчаат со куршум во себе и да умираат бавно неколку дена“ - изјавил Jayne Waters, водач на сафари.



Камилите живет до 30 години, а можат да нараснат толку големи што е невозможно да се уловат и извозат. Garry Dann кој работел во кланица, сметал дека камилите треба да се убијат така што нивното месо ќе може подоцна да се продаде. Месото од камила е вообичаена храна на Арапскиот полуостров. Овие животни во Австралија се донесени за прв пат во 1840 година, од Индија и Арапскиот полуостров за да им помогнат на луѓето да ја преминат пустината, но во времето на удобните превозни средства, камилите не се повеќе интересни за човекот.