Милош Симиќ, студент на трета година на Архитектонскиот факултет во босанскиот град Бања Лука ја кренал во воздух куќата на неговите родители, затоа што сметал оти е кич...

Вчера попладне, пред неговите родители да се вратат од работа, студентот со експлозив ја кренал куќата во воздух.

Уплашените соседи истрчале надвор, мислејќи дека се запалила инсталацијатa, но Симиќ им објаснил за што се работи.

Симиќ бил исклучително талентиран студент и по сите предмети имал високи оценки.

Ден пред инцидентот тој сериозно се скарал со татко му, кој сакал да стави фигури на лавови пред влезот на куќата.

“Постојано се препирам со него затоа што изгради грозотија, се е ужас. Не сакаше да ме слуша, правеше се по свое и само ја уништуваше куќата со некакви глупави детали. Не можев повеќе да го гледам тоа”, изјавил Симиќ.

Причина плус за неговата постапка биле постојаните задевања од страна на колегите од факултет.

Полицијата уште истражува како Милош Симиќ дошол до експлозивот.