Словенскиот гостилничар, Sandi Ritter по година ипол на суд, добил задоволителна пресуда во негова корист затоа што било потврдено дека инспекторот неправедно го казнил со парична казна од 800 евра затоа што им допуштил на неговите гости слободно да пушат цигари, откако Словенија пред 2 години донела закон за забрана на пушење цигари локали и јавни простории.
Ritter, кој во местото Загорје кое се наоѓа 30 километри североисточно од Љубљана, има гостилница во која доаѓале и пушачи. Ritter во својата гостилница преградил простор и го прогласил како дел од станбениот простор. Во тој простор со пиво и кафе можело да се пуши и цигари, затоа што тврдел дека тоа се негови приватни гости во приватни простории.
Иако здравствениот инспектор го казнил со парична казна од 800 евра, сфаќајки го тоа како трик со кој се заобиколуваат законските одредби, Ritter сепак добил пресуда во своја корист. Гостите на Ritter сами си земаат пијалок и пепелари од шанкот и одат во „приватната“ просторија во која смеат да пушат цигари, а притоа нема опасност од „пасивно пушење“.
