Хорор несреќа се случила минатиот вторник во болницата Санта Изабел во Аракажу на североистокот на Бразил...

Лекарите во текот на породувањето случајно му ја откинале главата на бебето. Обезглавеното тело на машкото бебе останало во утробата на мајката, па морале итно да и извршат царски рез.

Дека по повеќечасовните обиди да се породи нешто тргнало на лошо, 22-годишната Бразилка која веќе има три деца, сфатила кога слушнала дека нешто „крцнало", а лекарите се испаничиле. Иако ги прашувала што се случило, не добивала одговор.

Една роднина на несреќната жена раскажала: “Многу се напати, со часови раѓаше, лекарите и го притискале стомакот и правеле се за да го извадат бебето. А во еден миг се случило најстрашното”.

Директорката на болницата рекла дека е формирана комисија која ќе испита како се случила несреќата. Семејството се подготвува да ја тужи болницата.