Европскиот институт за брендови за прв пат ги анализираше 100-те најважни европски градови и дојде до заклучок дека најдобри градови во Европа се Париз, Лондон и Виена...

Истражувањето се базира на секундарни студии, податоци од Еуростат и Светската банка и има за цел да ги истражи факторите кои влијаат на угледот на градовите како и индексот на вредност. 

Според спроведената анализа, следните фактори ја дефинираат предноста на градовите: историскиот развој, конкуренцијата, репутацијата, инвестициите, потенцијал во категориите - финансии, политика, туризам, историја, иновации, живот и бруто националeн приход според паритетот на куповна моќ.

Меѓу првите десет градови се и Амстердам, Брисел, Женева, Копенхаген, Франкфурт, Берлин и Цирих. Резултатите на студијата покажале дека првите три града се на водечкото место во сите категории. Париз и Лондон се политички и економски центри со висок туристички квалитет, кои се истакнуваат со иновативни проекти, отвореност и квалитетeн живот.

Виена е лидер во категориите иновации и живот. Тоа e резултат на футуристичките градски технологии и квалитетот на живот.