Метеоролозите наведуваат дека летото стигнало многу порано во централна и источна Европа. Невообичаено високите температури за овој перод од годината се забележани во делови од Германија, Австрија и Чешка.

Австрискиот метеоролошки центар ZAMG наведува дека во сабота во северниот регион на Долна Австрија се забележани рекордни 32 степени Целзиусови.

Центарот истакнува дека главна причина за летните температури во регионот е силниот јужен ветар од афричката пустина Сахара.

Температурата во Виена се движела околу 28 степени, додека германскиот весник Bild објави фотографии од граѓаните на Берлин како се сончаат на температура од 30 степени.

Во Прага саботниот ден бил најтопол во изминатите 212 години и живата во термометарот стигнала до 27,87 степени Целзиусови, додека слично време е пријавено и во Полска и во Словачка.