Полицијата во Теран спроведува нова пресметка со жените кои на неодговарачки начин носат марами или „вулгарни“ фустани.

Слични полициски операции, за време на кои полицијата ги надгледува пешаците и возилата на поголеми раскрсници и трговски центри, се спроведуваат многу често во Иран..

Последната операција е наредена пред вториот круг парламентарни избори закажани за 4 мај и предизвикана е од топлите временски прилики поради кои жените се определуваат за полесна облека.

Шефот на полицијата во Теран, Хусеин Саџедини рече дека акцијата ја „побарал народот“.

Според неговите зборови, ќе бидат запрени жените кои носат „лоши марами, фустани и вулгарно се облечени“.

Во слични случаи, жените плаќаат парични казни или се приведувани во полициски станици додека не дојде некој од роднините со „пристојна облека“.

Саџедини истакна дека компаниите кои увезуваат „нелегална облека“ која не е во склад со стандардите на исламското носење ќе бидат предупредени или затворени.