Сара Мишел Гелар и Фреди Принц Џуниор ќе станат родители по втор пат.

Сара Мишел Гелар ќе стане мајка по втор пат. Актерката и нејзиниот сопруг, Фреди Принц Џуниор, се воодушевени што повторно ќе станат родители, пишува People.

„Својата ќеркичка ја сакаат повеќе од било што друго и знаат дека таа љубов само ќе се дуплира. Таа е одлична мајка, ова се одлични вести. Таа и Фреди се воодушевени“, открива извор близок на парот.

Во септември 2009 година парот станаа родители на малата Шарлот Грејс, а на неа чекаа седум години. Се венчаа во 2002 година, но со детето причекаа, а отсекогаш истакнуваа дека се среќни какви што се.

„Морате да бидете во онаа фаза од животот во која сте свесни дека поради детето би можеле да се откажете од се во животот“, рече Сара своевремено за да објасни зошто веднаш по венчавката не се одлучи на мајчинство.