Претставничкиот дом на САД со поддршка на мнозинството го усвои предлог законот CISPA кој поттикнува размена на податоци меѓу владата, безбедносните агенции и приватните компании.

Законот CISPA е усвоен со 248 гласови за и 168 против. Меѓутоа, во сила ќе стапи дури ако биде прифатен и на Сенатот.

Противниците на Законот сметаат дека овој закон ја загрозува основната слобода на секој граѓанин, додека оние кои се за изразуваат задоволство, истакнувајќи дека, откако ќе биде усвоен, меѓу другото, ќе им ја отежни на шпиноите кражбата на планови за истражување на развојот на американските компании.

За разлика од омразениот SOPA, законот за стопирање на онлајн пиратеријата, концептот CISPA го поддржаа компании како Mајкрософт, Фејсбук, Интел, Нокиа и други.

Пред CISPA целосно да биде усвоена, постои можност претседателот на САД, Барак Обама да го искористи своето право на вето за да го спречи влегувањето во сила на законот.

Со оглед на тоа што овој закон им овозможува на различни организации да дојдат до лични податоци на граѓаните, се очекува активистите на хакерската група Аnonymous ќе го покаже своето незадоволство рушејќи американски сајтови.