Цариниците на граничниот премин Хоргош спречиле обид за криумчарање на 20 живи гулаби, соопшти денеска управата на царината.

Гулабите се откриени во возило марка VW Sharan со камп приколка, на влезот во Србија.

Возачот и совозачот, двајцата турски државјани, изјавиле за време на контролата дека немаат ништо да пријават за царинарење, но со детален претрес утврдено е дека во ве-цето во камп приколка се скриени два кафеси со 20 гулаби.

Кафезите, како што е наведено во соопштението, биле прекриени со сина фолија, а двајцата државјани не поседувале никаква документација за птиците кои ги превезувале.

Цариниците, кои акцијата ја извеле во соработка со граничната полиција, покренале постапка за прекршок и на лице место повикале ветеринарен инспектор кој побарал гулабите да се сместат во Зоолошка градина.