Гувернерот на Конектикат, Данел Малој прогласи закон со кој државата на северо-исток од САД стана 17 по ред која ја укина најтешката казна.

Тој закон кон почетокот на месецот добил поддршка од двата дома на таа сојузна американска држава во која демократите се во поголем број.

Смртната казна од сега во Конектикат ќе биде заменета со доживотен затвор.

Како што се наведува во соопштението од кабинетот на гувернерот кој исто така е демократ, законот стапува во сила веднаш.

„Ова е историски момент, Конектикат на овој начин и се придружи на група од 16 сојузни држави и остатокот од индустријализираниот свет, но ова е момент за размислување, а не за славење“, порача гувернерот.

Смртната казна речиси и не е применувана во Конектикат каде што за последните 52 години е извршена само еднаш. Меѓутоа, јавното мислење и понатаму ја поддржува смрттната казна.