Двегодишно дете спакувало ранец полн со слатки работи и тргнало со велосипед по градот, пишува германскиот печат.

Две и пол годишниот Ноа Џоел од Хамелн, Германија слушнал дека баба му е во болница. Додека неговата мајка мислела дека си игра сам во својата соба, тој во својот омилен ранец ги спакувал сите слатки работи кои ги нашол и тргнал со својот велосипед на три тркала да ја посети баба си.

Ноа успеал да помине неколку километри пред поминувачите да забележат дека е сам на улицата, и се јавиле на бројот на Итната служба. Во меѓувреме неговата мајка ја повикала полицијата во паника, затоа што сфатила дека го нема ниту детето, ниту велосипедот.

Полицајците кои го довеле Ноа дома кажале дека момченцето било разочарано што не ја видело баба си, но дека признало дека не ни знае каде е болницата.

„Беше загрижен за баба и сакаше некако да помогне. Тој е многу одлучно, самоуверено момче“, рече еден од нив.