Сигурносните камери го снимиле моментот кога, потполно неочекувано, девојка која разговарала на мобилен телефон и мирно се шетала по улицата пропаднала низ плочникот.

Ова се случило во северна Кина. Плочникот попуштил штом девојката зачекорила на еден негов дел, па таа пропаднала во дупка длабока шест метри.

По тоа следело драматичното спасување. Прв на помош пристигнал таксист кој застанал веднаш штом видел што се случило. Тој со помош на кабел се симнал во дупката за да и помогне на девојката.

Но девојката и таксистот не можеле да излезат од дупката без помошта на пожарникарите. За среќа и двајцата поминале без повреди.

Причина за создавањето на дупката е подземната вода која го еродирала тлото под плочникот, а тлото продолжило да се поместува и додека девојката и таксистот биле во дупката.