Радоста траела само 3.600 секунди за 300 Данци на кои по грешка им е јавено дека се добитници на награда во игра на среќа вредна три милијарди евра.

Данското друштво за игри на среќа Danske Spil по електронски пат известил 300 учесници на онлајн извлекување на лото дека се добитници на астрономска награда во износ поголем од три милијарди евра.

„Почувствував невидена возбуда, размислував што се ќе можам да направам - да патувам со семејството, да купам нова куќа, нов автомобил, се додека неколку минути потоа не бев известен дека станува збор за грешка“, објасни еден од „добитниците“ за еден дански весник.

Danske Spil им се извинил на лажните милионери со објаснување дека до забуна дошло по расипување на информатичкиот центар така што се додадени голем број на нули на добитната сума која всушност не изнесува три милијарди евра, туку од 35 до 70 евра.

Еден од жртвите на оваа забуна, Флеминг Дал, сепак не ја изгубил смислата за хумор изјавувајќи дека барем на момент имал шанса да се почувствува како вистински милионер правејќи големи планови за иднината, гледајќи се себеси дури и на листата на Форбс за најбогати луѓе на светот.