Даниел Редклиф ќе и станува конкуренција на Џ. К. Роулинг.

Додека Џ. К. Ролуинг, авторката на популарниот серијал за Хари Потер, ја подготвува својата прва книга за возрасни, наскоро би можела да добие конкуренција.

Даниел Редклиф, кој се прослави со улогата на главниот волшебник, планира да пишува романи, пренесува Telegraph.

„Навистина во иднина сакам професионално да се занимавам со пишување. Се обидувам да пишам. Не знам дали сум добар, но кога пишувам сум многу самокритичен, па често веднаш го фрлам тоа што ќе го напишам“, вели Даниел.

„Можеби би можел да и се обратам за помош на Џ. К. Роулинг“, заклучува актерот.