Сопственикот на Фејсбук, Марк Цукерберг сам преговарал за купувањето на Istagram, не известувајќи го претходно управниот одбор на компанијата за своите намери.

Управниот одбор на Фејсбук, кој наскоро треба да се појави на берзата, бил „запознаен, но не и консултиран“ кога купувањето било речиси завршено.

Фејсбук за милијарда долари во кеш и акции ја купи фирмата Instagram, позната по апликацијата за делење на фотографии на мрежата пријатели која, меѓу другото, овозможува реализација на специјални ефекти на фотографиите снимени со паметен телефон.

Оваа апликација, лансирана во јануари 2011 година, веќе има преку 40 милиони корисници, а Епл ја избра за „Апликација на 2011 година“.

Instagram кон средината на април стана достапен и за уредите кои користат Android 2.2 и понови оперативни системи на Гугл, а од тогаш бележи раст од милион нови корисници дневно.