Ѕвездата на серијата „Вистинска крв“ ќе стане родител, пишува People.
Американската оскаровка Ана Пакин (29) и англискиот актер Стивен Мојер (42) се запознаа на снимањето на серијата „Вистинска крв“, во која таа толкува „смртна“ келнерка, а тој вампир.
Парот се вљуби, а потоа се венча предминатата година, а сега соопшти дека на есен ќе стигне и принова.
Моментално во тек е снимањето на петтата сезона на серијата „Вистинска крв“, која ќе биде емитувана на 10 јуни.
Пакин освои Оскар за споредна улога во филмот „Пијано“ на Џејн Кемпион. Ова ќе и биде прво дете, додека Мојер од претходната врска има ќерка и син.
