... во шест од десет статии ќе наидете на некоја грешка.

И покрај предупредувањата на професионалците, но и самите основачи, дека Википедија би требало да се користи како „почетна точка“, место на кое можат да се пронајдат основни информации за некоја тема, милиони луѓе ширум светот ги земаат податоците од оваа онлајн енциклопедија здраво за готово.

Дека таквиот пристап не е добар потврди и новото истражување кое го спровеле професионалците од универзитетот Пен Стејт, кои утврдиле дека 60% од статиите на Википедија содржат грешки. Истражувањето е спроведено за да се добие попрецизен увид во која мерка и на кој начин вработените во компаниите ја користат Википедија за да се информираат за бизнис партнерите.

Со обѕир на концептот на Википедија кој подразбира дека речиси сите текстови можат да ги уредуваат помалку или повеќе сите, и дека веродостојноста на податоците се базира на интервенциите на самите корисници, состојбата не е многу изненадувачка.

За тоа донекаде допринесуваат и администраторите на Википедија кои релативно споро реагираат на пријавите за грешки кои стигнуваат од корисниците, се наведува во извештајот.

Покрај тоа, Википедија е шестиот најпосетуван сајт на интернет, па многу ја користат за лична промоција или рекламирање на својата компанија, и во склад со тоа ги менуваат текстовите, што дополнително ја намалува непристрасноста и точноста на информациите.

Основачот на Википедија, Џими Велс тоа се обиде да го спречи со едноставно правило: ако сте на платен список на компанијата за која станува збор во текстот кој сакате да го измените или на било кој начин сте поврзани со неа, подобро е уредувањето на содржината да му го препуштите на некој друг, пообјективен.