Апсењето на водичот на талибаните често бара голем труд и сложени операции. Но, не и во овој случај.

Минатата недела во источен Авганистан, водичот на талибаните, Мохамад Ашан, се појавил во полициска станица со потерница на која е испечатен неговиот лик. Барал награда од 100 долари, како што е ветено на постерот, пишува Washington Post.

Авганистанските власти, се разбира, го уапсиле на лице место.

Ашан е осомничен за организирање на најмалку два напади на авганистанските безбедносни сили.

Кога американските трупи дошле да потврдат дека Ашан навистина дошол да бара награда за самиот себе, не можеле да поверуваат.

„Го прашавме: Дали си тоа ти? Мохамад Ашан одговори неверојатно ентузијастички: Да, да! Тоа сум јас! Може ли сега да добијам награда?“, рече Метју Бејкер.

И биометриското скенирање потврдило дека се работи за вистинската личности.

„Овој талибан е како оние провалници во ‘Сам дома’“, рече еден од американските службеници.