Истражувачите во Пјатигорск започнале проверка на новодот кој го објави рускиот интернет портал Life News, дека локалните лекари убивале уште неродени деца на бремени жени кои одбиле да им дадат мито во износ од 20.000 рубли (околу 500 евра).

Како што пренесува еден дневен весник, медицинскиот персонал на акушерската клиника изнудувал пари за породувањата, а во седум случаи кога бремени жени не сакале да платат мито, наводно им биле давани лекови од кои доаѓало до смрт на неродените деца.

Лекарите во породилиштето одлучно ги негираат овие тврдења, како и тоа дека од мајките барале пари, додека новинарите од Life News останаа при своите наводи истакнувајќи дека се подготвени да им помогнат на истражувачите случајот детално да се испита.

Во канцеларијата на ставрополскиот обвинител Сејгеј Дубровин соопштиле дека започнале истрага за наводите кои се објавени на интернет.