Мурвет Барјактаревич од Доброј ги платил сметките за струја за неколку месеци за 11 социјално најзагрозени семејства Роми.

„Мило ми е што овие семејства по мојата ‘симболична’ парична помош повторно добија електрична енергија и не живеат во мрак, затоа што поради долгот надлежните им ја исклучиле струјата“, рече Барјактаревич.

Тој не сакал да зборува за износот на подарените пари, туку потсети на народната поговорка „Немој да го жалиш човекот, туку помогни му“.

Претседателот на Сојузот на национални малцинства во регионот Добој, Драган Маркович, рече дека ова не е прва помош од Барјактаревич, и тоа не само на Ромите, туку и на останати социјално загрозени граѓани, потсетувајќи дека на младите Роми ученции во почетокот на годината им подари училишен прибор, книги и опрема.

Тој потсети дека ромската заедница во Добој е составена од 65 семејства со повеќе од 450 членови, меѓу кои има околу 170 деца, од кои 44 се редовни ученици во основно училиште.