Бразилската полиција соопшти дека денеска уапсила три личности осомничени дека убиле најмалку две жени, а потоа изеле делови од нивното тело за време на, најверојатно, секташки ритуал.

Уапсен е еден маж и две жени кои основале секта под име „Картел“ со цел да го „исчистат светот и да ја намалат популацијата“, изјави портпаролот на полицијата во бразилскиот град Гуаранхунса, Демокрито Онорато.

Осомничени се, како што е соопштено, дека планирале да убиваат по три личности годишно. Кај нив е пронајдена книга за канибализмот.

„Тие тројца јаделе месо од жртвите за да ги прочистат своите души“, рече портпаролот на полицијата.

Телата на двете жени се пронајдени во двориштето на куќата во која осомничените живееле. Се верува дека тоа е куќа на жртвите.

Со нив е пронајдено и петгодишно девојче за кое се верува дека е ќерка на една од убиените жени.