Еден јавен службеник во Германија на денот на пензионирање на колегите им напишал е-мејл во кој признал дека во последните 17 години не работел ништо.

65 годишен јавен службеник од германскиот град Минден, на денот на пензионирање на своите колеги им пратил е-мејл во кој им признал дека во последните 17 години на своето работно место не работел апсолутни ништо и се пофалил дека за својата неработа добил дури 745.000 евра.

„Од 1998 година доаѓав на работа, но како да не бев овде. Така што, прилично сум подготвен за пензија. Збогум“, напишал во е-мејлот до своите колеги.

Ваквата ситуација е навистина срамотна за целата Германија, ако се земе во обѕир фактот дека токму германските пратеници се оние кои ги повикуваат пратениците на останатите земји во еврозоната, на пример Шпанија и Грција, на резерви во јавниот сектор.

Неименуваниот маж ја обвинил локалната власт за „создавање неефикасни структури во јавната управа“, дури и за вработување на уште една личност за истата работа која тој ја работел поради што тој немал што да прави на своето работно место.