Сценаристката на популарната серија, Мерал Окај, умрела во понеделник во Истанбул на 53 годишна возраст, а како причина за смртта семејството го наведе ракот на белите дробови. Не се знае дали ќе се сними последната сезона.
Мерал Окај, сценаристката на турската серија „Величествениот“, изненадно почина во Истанбул и вчера е погребана со присуство на многу познати личности и актери од серијата. Продуцентите објавија дека снимањето на серијата се прекинува не неограничен период, а неизвесно е и дали некогаш ќе биде продолжено првенствено затоа што „не постои сценарио, но и поради стресот на кој се изложени актерите поради смртта на блиска пријателка“.
Бидејќи се во животот правела спонтано, така и сценариото за серијата го пишувала непосредно пред секоја епизода, па за четвртата сезона не напишала ама баш ништо. Мерал за време на снимањето на „Величествениот“ работела и поголем дел од режисерската работа и сега е неизвесно дали некој ќе може да ја замени.
На погребот, кој е извршен вчера во Истанбул, присуствувале сите актери од популарната серија. Султанот Сулејман, поточно актерот Халит Ергенч, не ги криел солзите, а не ги криеле ни Мерјем Узерли, која ја толкува Хурем, и Селма Егец или Хатиџе во серијата. На погребот биле дури десет илјади почитувачи на ликот и делото на Мерал Окај.
