Големите мобилни мрежи во САД постигнале договор во иднина сите мобилни телефони за кои ќе се пријави дека се украдени, автоматски да бидат блокирани за користење на сите мрежи.

Таа мерка е дел од новата стратегија со која сакаат да се намали бројот на кражба и препродажба на мобилни телефони на пазарот.

За тоа да се постигне, ќе биде воспоставена централизирана база на податоци на сите корисници, за која се верува дека ќе биде во функција во рок од шест месеци.

На тој начин, мобилните оператори, кога ќе добијат известување дека некој телефон е ураден, ќе можат веднаш да го блокираат затоа што секој телефон има свој единствен број кој се појавува на секоја мрежа.

Кражбата и препродажбата на украдени телефони е во пораст зво поголемите американски градови. Полицијата наведува дека на кражбата на мобилни телефони сега отпаѓа 38% од сите кражби во просек, додека во Њујорк тој процент е преку 40%.