Австрискиот биолог Бертолд Визнер е татко на неколку стотина деца, кои ги зачнал со донирање на сперма во својата клиника за лечење на неплодноста во Лондон во ’40-тите години на минатиот век, а тоа дури неодамна го откриле две личности зачнати во болница.
Се сметало дека на клиниката, која Визнер ја основал заедно со сопругата Мери Бартон и на која се зачнати околу 1.500 бебиња, користена е спермата од избран хирург од неговите исклучително интелигентни пријатели.
Меѓутоа, излегло дека околу 600 бебиња зачнал самиот Визнер.
Како што наведува Daily Telegraph, режисерот од Канада, Бери Стивенс, и адвокатот од Лондон, Дејвид Голанч, кои се зачнати на клиниката на Визнер, истражувале и врз основа на ДНК испитувања, заклучиле дека Визнер донирал две третини примерок сперма за оплодување на пациентките.
Таквата пракса сега е забранета со закон, но тогаш не се ни знаело дека самиот Визнер е дарител на поголемиот број примероци.
Истиот дарител на сперма не би требало да биде зачетник на толкав број деца поради опасноста некои од нив да се запознаат и да основаат семејство, што би можело да доведе до тешки генетски пореметувања на нивните потомци.
